Bank tarixi

Oʼzbekiston Respublikasi Prezidentining 1994 yil 18 martdagi PF -794-sonli Farmoniga asosan aholining tovarlarga boʼlgan ehtiyojini qondirish va ular bilan ichki bozorni toʼldirish, shuningdek respublika savdo tarmogʼi faoliyatini moliyaviy jihatdan qoʼllab-quvvatlash va yanada rivojlantirishni taʼminlash maqsadida Savdo va tijoratga koʼmaklashuvchi “Savdogar” aktsionerlik tijorat banki sifatida tashkil etildi hamda 1994 yil 12 mayda 42-sonli bilan Oʼzbekiston Respublikasi Markaziy bankida roʼyxatga olindi. Bankning asosiy vazifalari respublikaning savdo tashkilotlariga xizmat koʼrsatishdan, savdo tashkilotlari bilan xalq xoʼjalik boshqa tarmoqlari korxonalari oʼrtasidagi savdo-xarid operatsiyalari va hisob-kitoblarni mablagʼ bilan taʼminlashdan iborat. Oʼzbekiston Respublikasining Moliya vazirligi, «Oʼzbeksavdo» uyushmasi, «Oʼzkooptayyorlovsavdo», «Oʼzbekbirlashuv» va Tashqi iqtisodiy faoliyat milliy banki bankning muassislari boʼlishdi. Ushbu yilda barcha viloyat markazlarida va respublikamizning ayrim tumanlarida jami 19 ta filiali tashkil etildi. Ustav kapitalini miqdori 6 mln.soʼmni tashkil etgan.

Garantbank va Yengilsanoatbank aktsiyadorlarining 1998 yil 18 noyabrdagi qoʼshma yigʼilishi qaroriga asosan Yengilsanoatbank Garantbankka birlashtirildi va Ustav kapitali 1000 mln. sumga yetkazildi. Yengilasanoatbank qoʼshilishi munosabati bilan filiallar soni 1 taga oshdi va 45 taga yetkazildi.

Oʼzbekiston Respublikasi Vazirlar Mahkamasining 2000 yil 13 yanvardagi 12-sonli “Mevasabzavotbank ixtisoslashtirilgan aktsionerlik tijorat bankini qoʼshib yuborish toʼgʼrisida”gi Qaroriga asosan qishloq xoʼjaligi mahsulotlarini qayta ishlash korxonalari bilan savdo tashkilotlari oʼrtasida samarali moliya tizimini yaratish, boshqaruv xarajatlarini qisqartirish hamda tijorat banklari faoliyatini keng rivojlantirish maqsadida Mevasabzavotbank Garantbankka qoʼshildi va Ustav kapitali 1500 mln. sumga yetkazildi. Ushbu Qarorga muvofiq «Garantbank»ka: qishloq xoʼjaligi mahsulotlarini qayta ishlash korxonalariga va savdo tashkilotlariga keng bank xizmatlari koʼrsatish; qishloq xoʼjaligi mahsulotlarini qayta ishlash, shuningdek xalq isteʼmoli tovarlari ishlab chiqarish bilan shugʼullanuvchi kichik va oʼrta biznes korxonalariga, xususiy tadbirkorlarga kredit ajratish imkoniyatlarini kengaytirish; aholini jalb qiluvchi omonatlar va depozitlarni joriy etish yoʼli bilan aholining, tadbirkorlarning boʼsh mablagʼlarini jalb qilish boʼyicha chora-tadbirlar kompleksini ishlab chiqish va amalga oshirish tavsiya etildi. Mevasabzavotbank qoʼshilishi munosabati bilan filiallar soni 10 taga oshdi va 55 taga yetkazildi.

Germaniyaning "R&D Express - Ausenhandels" kompaniyasi Garantbankning 40 foiz aktsiyasini (2 mln. АQSh dollari ) sotib oldi va bank chet el kapitali ishtirokidagi bankka aylandi hamda ustav kapitalini miqdori 8,0 mlrd. soʼm (5 mln. АQSh dollari ekvivalentni)ni tashkil etdi.

2006 yil 22 iyundagi PF 3764-sonli Farmoniga asosan xorijiy investor tomonidan Savdo va tijoratga ko‘maklashuvchi «Savdogar» ixtisoslashtirilgan aktsionerlik tijorat bankining ulushi sotib olinishi munosabati bilan O‘ zbekiston-Germaniya «Savdogar» ochiq aktsiyadorlik tijorat bankiga aylandi.

Amerika Qo‘shma Shtatlarining “ALL AMERICAS INTERNATIONAL, INC.” Korporatsiyasi bank ustav kapitaliga 3 mln. AQSh dollari miqdorida mablag‘ kiritdi hamda bankning xorijiy aktsiyadorlar soni 2 taga yetkazildi hamda bank ustav kapitalining miqdori 22.1 mlrd. so‘m (10 mln. yevro ekvivalent)ga yetkazildi.

Joriy yilda bankning xorijiy aktsiyadorlari soni yana bittaga ko‘paydi. Singapurning “Kito investment” kompaniyasi bankning 3 mln. AQSh dollari miqdorida aktsiyalarini sotib oldi. Bankda xorijiy investorlar soni oshganligi munosabati bilan bankni nomi «Chet el kapitali ishtirokidagi «Savdogar» aktsiyadorlik tijorat bankiga aylandi va bank ustav kapitalini miqdori 30 mlrd. so‘mga yetdi.

Bank aktsiyadorlari tarkibida yangi xorijiy investor paydo bo‘ldi. Astrata AG (Shveytsariya) bankning 25 foiz aktsiyasini sotib oldi va bank ustav kapitalining miqdori 42 mlrd. so‘mga yetkazildi. Toshkent shahri “Shayhontohur” tumanida bankning Shayhontohur filiali ochildi.

CASH-IN tizimi bo‘yicha plastik kartalarni naqd pul bilan to‘ldirish imkoniyatini tijorat foydalanishiga tushirganlarning dastlabkilaridan biri. «Standard and Sensitive Ratings» reyting agentligi tomonidan milliy shkala bo‘yicha (UZ) «А+» darajasidagi kredit layoqati va ishonchliligi birlamchi reytingi berilgan.

2022-yil 17-iyundagi aksiyadorlar yig‘ilishi qaroriga ko‘ra rebrending o‘tkazish va bank nomini «Garant bank»ka o‘zgartirish to‘g‘risida qaror qabul qilindi.

2023-yilda bank xizmatlarini rivojlantirish, sheriklik aloqalarini mustahkamlash bo‘yicha keng ko‘lamli ishlar amalga oshirildi. Har bir filialda individual kartochkalarni loyihalash xizmati muvaffaqiyatli yo‘lga qo‘yilib, so‘mda ham, xorijiy valyutada ham 10 ta muddatli omonat yo‘lga qo‘yildi. Kiberxavfsizlik sohasida ham bolalarni, ham kattalarni himoya qilish uchun faol ishlar olib borildi.Yosh tadbirkorlar va tadbirkor ayollarni qo‘llab-quvvatlashga qaratilgan kredit mahsulotlari ishlab chiqarish yo‘lga qo‘yildi.Toshkent davlat yuridik universiteti va Toshkent davlat iqtisodiyot universiteti bilan hamkorlik memorandumlari tuzildi.Yangilangan tezkor boshqaruv idorasining tantanali ochilishi bo‘lib o‘tdi, respublika bo‘ylab 10 dan ortiq bank xizmatlari markazlari va filiallari ochildi.

Bank Moody's agentligining barqaror prognozli B2 reytingini, shuningdek, Ahbor Reyting agentligining barqaror prognozli A+ reytingini oldi. Raqamli rivojlanish doirasida veb-sayt yangilandi va yangi mobil ilovani ishlab chiqish boshlandi.Bankomatlar Uzcard va Humo bilan bir vaqtda ishlay boshladi. Bank kartasidan foydalanganda naqd pul yechib olish komissiyasi 0,7% gacha pasaytirildi. Ayirboshlash shoxobchalari va xalqaro pul o‘tkazmalari endi haftaning yetti kuni ishlaydi.Shuningdek, xodimlar uchun ALFA o'quv markazi bilan birgalikda faol savdo va yangi mehnat kodeksi bo'yicha treninglar o'tkazildi.Bolalarning moliyaviy savodxonligini oshirish bo‘yicha ishlar olib borilib, individual dizayndagi va kartada bolaning ismi ko‘rsatilgan KIDS CARD bolalar kartalari muvaffaqiyatli ishga tushirildi, bu esa 2023-yil dekabr oyida 2500 dan ortiq kartalarni chiqarishga olib keldi.