Ommaviy oferta

1. Mazkur hujjat «Garant bank» AJning (bundan buyon matnda Bank deb yuritiladi) jismoniy shaxs bilan quyida ko‘rsatilgan shartlarda Jismoniy shaxsning milliy/xorijiy valyutadagi talab qilib olinguncha saqlanadigan depozit hisobvarag‘ini ochish va yuritish bo‘yicha shartnoma tuzish uchun rasmiy taklifidir (ommaviy oferta).
   Bunda, Shartnomani «Garantbank mobile» mobil banking tizimi (bundan buyon Tizim deb yuritiladi) orqali, ya'ni masofadan, faqat avval Bankda identifikatsiyalash tartibotidan o‘tgan jismoniy shaxslargina tuzishi mumkin.
2. O‘zbekiston Respublikasi Fuqarolik kodeksi (O‘zR FK) 369-moddasining 2-bandiga muvofiq quyida bayon etilgan shartlar qabul qilingan hamda:
   - tizimda talab qilib olinguncha saqlanadigan depozit hisobvarag‘ini ochish uchun ko‘zda tutilgan barcha zarur xatti-harakatlar sodir etilgan,
   - talab qilib olinguncha saqlanadigan depozit hisobvarag‘ini ochish haqida Bankka murojaat qilingan taqdirda (bevosita Bankka murojaat qilish yo‘li bilan hisobvaraq ochilganda),
   ofertani akseptlashni amalga oshirayotgan jismoniy shaxs Mijozga aylanadi (O‘zR FK 370-moddasi 4-qismiga muvofiq ofertada bayon qilingan shartlarda shartnoma tuzish bilan bir xil kuchga ega), Bank va Mijoz birgalikda – mazkur Shartnomaning Taraflariga aylanadi.
3. Mijoz tomonidan Bankka beriladigan/Tizim tomonidan talab qilib olinguncha saqlanadigan depozit hisobvarag‘ini ochish uchun shakllantiriladigan ariza mazkur Shartnomaning ajralmas qismidir.
4. Bank va mijoz o‘rtasidagi Shartnoma:
   - Bank talab qilib olinguncha saqlanadigan depozit hisobvarag‘ini ochish haqidagi arizani ro‘yxatga olgan paytdan boshlab;
   - Bank Tizimda ommaviy oferta akseptini olgan paytdan boshlab tuzilgan hisoblanadi.
5. Oferta aksepti – Mijozning mazkur Ommaviy oferta shartlarini to‘liq va so‘zsiz qabul qilishi (Bankka murojaat qilganda arizada Ommaviy oferta shartlariga rozilikni tasdiqlaydigan imzoning bo‘lishi yoki Tizimda Ommaviy oferta shartlariga rozilik haqida belgi qo‘yilishi).
6. Agar talab qilib olinguncha saqlanadigan depozit hisobvarag‘i Tizimdan foydalangan holda ochilsa, Mijoz Tizimda omonat ochilganining tasdig‘ini, shuningdek Tizimda ro‘yxatga olingan mobil telefon raqamiga SMS-xabar oladi.

1. Bank Mijozga talab qilib olinguncha saqlanadigan depozit hisobvarag‘ini ochadi va Hisobvaraqqa kelib tushayotgan pul mablag‘larini qabul qilish va o‘tkazish, Mijozning Hisobvaraqdan tegishli summalarni yechib olish, o‘tkazish va berish hamda Hisobvaraq bo‘yicha boshqa amaliyotlarni bajarish haqidagi ko‘rsatmalarini bajarish majburiyatini oladi.

1. Mijoz Hisobvaraq ochish uchun Bankka murojaat qilganda quyidagi hujjatlarni taqdim etadi:
   - hisobvaraq ochishga ariza;
   - Mijozning shaxsini tasdiqlovchi hujjat, shuningdek qonunchilikka muvofiq boshqa hujjatlar.
2. Bevosita bankka murojaat qilish yo‘li bilan Hisobvaraq ochilganda Mijozning istagiga qarab unga omonat daftarchasi berilishi mumkin.
3. Hisobvaraq bo‘yicha amaliyotlar ro‘yxati, Bank taqdim etadigan hisob-kitoblar va xizmatlar shakllari qonunchilik bilan belgilanadi.
4. Mijoz hisobvarag‘idan to‘lovlar Hisobvaraqdagi pul mablag‘lari qoldig‘i doirasida amalga oshiriladi.
5. Bank Mijoz Hisobvarag‘idagi pul mablag‘lari qoldig‘iga Tariflarda foiz stavkasini belgilaydi. Bunda Bank foiz stavkasini 0 foiz miqdorida belgilashga haqli.
6. Bank tomonidan Mijozga xizmat ko‘rsatish Bank belgilagan Mijozlar bilan ishlash rejimiga muvofiq holda amalga oshiriladi.

Bankning majburiyatlari:

1. Mijoz shartnomada belgilab qo‘yilgan hujjatlarni taqdim etgandan so‘ng unga Hisobvaraq ochish.
2. Hisobvaraqqa xizmat ko‘rsatishga bevosita aloqador bo‘lgan masalalar bo‘yicha Mijozga maslahatlar berish.
3. Mijozdan va Mijozning nomiga uchinchi shaxslardan Bankka kelib tushgan pul mablag‘larini qonunchilikka muvofiq naqd va naqdsiz shaklda qabul qilish.
4. Mijoz hisobvarag‘iga tushgan pul mablag‘larini ular Bankka tushgan paytdan so‘ng keyingi ish kunidan kechiktirmay kirim qilish.
5. Mijozning hisobvaraq bo‘yicha amaliyotlarni amalga oshirish haqidagi ko‘rsatmalarini qonunchilikda belgilangan muddatlarda bajarish. Mijozning ko‘rsatmasi bo‘lmaganda hisobvaraqdagi pul mablag‘larini Bank qonunchilikda, shuningdek mazkur Shartnomada belgilangan hollarda hisobdan chiqarishi mumkin.
6. Mijoz yoki uning ishonchnoma asosida harakat qiluvchi vakillari talabiga ko‘ra Hisobvaraqdan ko‘chirmalar va ma'lumotlarni taqdim etish.
7. Mijoz yoki uning vakillarining birinchi talabi bilan pul mablag‘larini berish.
8. Mijozga Hisobvaraqni ochishda Mijoz ko‘rsatgan telefon raqamiga amalga oshirilgan amaliyotlar haqida sms-xabarnomalar yuborish.
   Mijozning so‘roviga ko‘ra amaldagi Tariflar va xizmat ko‘rsatish shartlari haqida axborot taqdim etish.
9. Hisobvaraq haqida, hisobvaraq bo‘yicha amaliyotlar va Mijoz haqidagi bank sirini tashkil qiladigan ma'lumotlarning saqlanishini ta'minlash. Ushbu ma'lumotlar faqat Mijozning o‘ziga, uning vakiliga, shuningdek qonunchilikka muvofiq uchinchi shaxslarga berilishi mumkin.
10. Bank Hisobvaraqdagi mablag‘larning saqlanishi va daxlsizligini kafolatlaydi. Hisobvaraqda mavjud mablag‘larga taqiq qo‘yish yoki Hisobvaraq bo‘yicha amaliyotlarni to‘xtatib qo‘yishga faqat qonunchilikda nazarda tutilgan hollarda yo‘l qo‘yiladi.

Bank huquqlari:

1. Mijoz tomonidan qonunchilik buzilganligidan dalolat beruvchi faktlar mavjud bo‘lganda hisob-kitob va kassa amaliyotlarini bajarishni rad etish.
2. Hisobvaraqdan pul mablag‘larini:
   - mazkur Shartnomaning 4.2.2-bandiga muvofiq Bankka tegishli bo‘lgan summalarni undirishda;
   - Bank va mijoz o‘rtasida tuzilgan, pul mablag‘larini Hisobvaraqdan nizosiz tartibda yechib olish tartibi nazarda tutilgan boshqa shartnomalarga muvofiq;
   - ijro hujjatlari asosida, shuningdek qonunchilikda nazarda tutilgan boshqa hollarda akseptsiz va/yoki nizosiz tartibda yechib olish.
3. Hisobvaraqdagi kreditlash yoki debetlash bo‘yicha xato yozuvlar aniqlanganda Bank Mijoz bilan oldindan kelishmasdan Hisobvaraqni debetlash yoki kreditlash yo‘li bilan tuzatishga haqli.
4. Hisobvaraqdagi Mijozning pul mablag‘laridan moliyaviy resurslar manbasi sifatida Hisobvaraqqa talab berilganda ularning mavjudligini hamda uning egasining ushbu mablag‘lardan hisobvaraqda mavjud summalar chegarasida moneliklarsiz tasarruf etishini kafolatlagan holda foydalanish.
5. Bank Tariflari bilan belgilangan vositachilik haqi miqdorini qo‘shimcha kelishuv tuzmasdan, mijozni xabardor qilish sharti bilan bir taraflama tartibda o‘zgartirishlarni/Tariflarga va mazkur Shartnomaga qo‘shimchalarni o‘zgartirishlar/qo‘shimchalar kuchga kirguniga qadar kamida 10 (o‘n) kalendar kun oldin xabardor qilgan holda kiritish. Mijozni xabardor qilish Bank tanloviga ko‘ra quyidagi usullardan biri orqali amalga oshiriladi:
   1) axborotni Bank rasmiy sayti www.garantbank.uz ga joylashtirish;
   2) Bank axborot stendlari va ofislariga e'lonlar joylashtirish;
   3) yoki Bankning ixtiyoriga ko‘ra boshqa usulda.
   Mijozdan Bank kiritgan o‘zgartirish/qo‘shimchalar xususida 10 kunlik muddatda e'tirozlar kelib tushmasa, ushbu o‘zgartirish/qo‘shimchalar Mijoz tomonidan qabul qilingan deb hisoblanadi. Agar Mijoz kiritilgan o‘zgartirish/qo‘shimchalardan norozi bo‘lsa, u ushbu bandda ko‘rsatilgan muddat ichida Bankka yozma raddiya, hisobvaraqni yopish xaqida ariza taqdim etishi shart.
6. Mijozdan uni identifikatsiya qilish uchun zarur bo‘lgan qo‘shimcha hujjatlarni taqdim etishini talab qilish, jinoiy faoliyatdan olingan daromadlarni legallashtirishga, terrorizmni moliyalashtirishga qarshi kurashish to‘g‘risidagi qonunchilik talablariga muvofiq hisobvaraq bo‘yicha amalga oshiriladigan amaliyotlar bo‘yicha qo‘shimcha axborotni so‘rab olish.
7. Jinoiy faoliyatdan olingan daromadlarni legallashtirishga, terrorizmni moliyalashtirishga qarshi kurashish to‘g‘risidagi qonunchilikda nazarda tutilgan hollarda Mijozning Hisobvaraq bo‘yicha amaliyotlarini to‘xtatib qo‘yish va Mijozning hisobvaraq bo‘yicha amaliyotlarni amalga oshirish haqidagi ko‘rsatmalarini rad etish (mablag‘larni hisobvaraqqa o‘tkazish bo‘yicha amaliyotlar bundan mustasno).

Mijozning majburiyatlari:

1. Hisobvaraq ochish va Hisobvaraq bo‘yicha amaliyotlarni amalga oshirish uchun Bankka qonunchilikda nazarda tutilgan hujjatlarni taqdim etish.
2. Bank tomonidan belgilangan ish rejimiga, hujjatlarni rasmiylashtirish va taqdim etish tartibiga rioya qilish, bank faoliyatini tartibga soladigan normativ hujjatlar talablarini bajarish.
3. Shartnomada ko‘rsatilgan ma'lumotlarning o‘zgarganligi, telefon raqamlari, pasport ma'lumotlarining (o‘ziniki va ishonch bildirilgan shaxslarniki) o‘zgarganligi, ishonchnomalarning bekor bo‘lgani va Taraflarning mazkur Shartnoma bo‘yicha o‘z majburiyatlarini bajarishiga ta'sir ko‘rsatishi mumkin bo‘lgan boshqa o‘zgarishlar haqida Bankni xabardor qilish. O‘z manzili, telefon raqami va pasport ma'lumotlari o‘zgargan taqdirda bu haqda Bankni bunday o‘zgarishlardan keyin 5 (besh) kalendar kun ichida xabardor qilish.
   Pasport ma'lumotlari o‘zgargan taqdirda Mijoz bankka shaxsni tasdiqlaydigan yangi hujjatni taqdim etadi. Aks holda Bank yuqorida ko‘rsatilgan ma'lumotlarning Bankda yo‘qligi bilan bog‘liq nomaqbul oqibatlar uchun javobgar bo‘lmaydi.
4. Hisobvaraqqa noto‘g‘ri o‘tkazilgan va/yoki Hisobdan noto‘g‘ri chiqarilgan mablag‘lar aniqlangan taqdirda bu haqda zudlik bilan Bankka ma'lum qilish.
5. Bank tomonidan ko‘rsatilgan xizmatlarga Bank Tariflariga muvofiq haq to‘lash. Mijoz mazkur Shartnomani imzolaganda O‘zbekiston Respublikasi FK 783-moddasida ko‘rsatilgan tartibda Bank xizmatlariga to‘lovni amalga oshirish uchun Hisobvaraqdan akseptsiz pul mablag‘lari yechib olinishiga rozilik bergan bo‘ladi.
6. Hisobvaraqda Bank xizmatlari uchun vositachilik haqini to‘lashga yetarli pul mablag‘lari mavjud bo‘lishini ta'minlash.
7. Tadbirkorlik faoliyati bilan bog‘liq bo‘lmagan amaliyotlarni amalga oshirish uchun Hisobvaraqdan foydalanmaslik.
8. Bank talabiga ko‘ra Hisobvaraq bo‘yicha amalga oshirilayotgan amaliyotlarning qonunchilik normalariga muvofiqligini tekshirish uchun zarur axborotni zudlik bilan taqdim etish.
9. Bankdan omonatdagi pul mablag‘lari qoldiqlarini tasdiqlash haqidagi sms-xabarnoma olinganda Bankka so‘ralayotgan shaklda javob yuborish.

Mijozning huquqlari:

1. Bevosita Bankka murojaat qilish yo‘li bilan Hisobvaraq ochgan mijozlar Tizimdan foydalanish orqali Hisobvaraqni masofadan boshqarish (barcha ruxsat etilgan amaliyotlarni bajarish, Hisobvaraqni yopish)ga haqli.
2. O‘z Hisobvarag‘ida turgan pul mablag‘larini o‘zi mustaqil hamda qonunchilikka muvofiq rasmiylashtirilgan ishonchnoma asosida harakat qiluvchi vakil orqali tasarruf etish.
3. O‘z Hisobvarag‘iga pul mablag‘larini bank o‘tkazmasi, naqd pul shaklida yoki qonunchilikda nazarda tutilgan boshqa shakllarda kiritish.
4. Bank xizmatlari masalalari bo‘yicha zarur axborotni va maslahat xizmatlarini hamda amaliyotlar bajarilganini tasdiqlovchi zarur hujjatlarni Bankdan olish.
5. Hisobvaraqdagi pul mablag‘lari summasini to‘liq yoxud qisman talab qilib olish.

1. Mijozga mazkur Shartnoma doirasida ko‘rsatiladigan xizmatlar uchun Bank tomonidan tasdiqlangan Tariflarga muvofiq haq undiriladi.
2. Mazkur shartnoma bo‘yicha Bank ko‘rsatayotgan xizmatlar uchun vositachilik haqi Bank tomonidan hisobvaraq bo‘yicha amaliyotlarning bajarilishiga qarab Hisobvaraqdan pul mablag‘larini akseptsiz yechib olish yo‘li bilan undiriladi yoki mijoz Bank kassasiga naqd pul mablag‘larini kiritish orqali to‘laydi.

1. Mijoz Bankka taqdim etilgan hujjatlarda ko'rsatilgan ma'lumotlarning haqqoniyligi hamda mablag'larning to'g'ri joylashtirilishi va Hisobvaraq bo'yicha amaliyotlar o'tkazilishi uchun to'liq javobgardir.
2. Mijozga berilishi kerak bo‘lgan pul mablag‘larining o‘z vaqtida o‘tkazilmaganligi yoki noto‘g‘ri o‘tkazilganligi uchun Bank qonunchilikka muvofiq javobgar bo‘ladi.
3. Boshqa hollarda taraflarning javobgarligi qonunchilikda belgilangan tartibda yuzaga keladi.
4. Shartnomani bajarish uchun ahamiyatga ega bo‘lgan holatlar, shuningdek Hisobvaraqqa noto‘g‘ri o‘tkazilgan pul mablag‘lari, ilgari Bankka ma'lum qilingan ma'lumotlarning o‘zgargani, vakil vakolatlari tugatilganligi haqida Bank o‘z vaqtida yozma xabardor qilinmagan/to‘liq xabardor qilinmagan hollarda salbiy oqibatlar ehtimoli uchun javobgarlik to‘liq holda Mijozga yuklatiladi.
5. Mijoz Bankka qonunchilik talablariga muvofiq bo‘lmagan hujjatlarni taqdim etganda, shuningdek Bank yoki Mijoz hisobvaraqlari bo‘yicha amaliyotlar qonunchilikda belgilangan tartibda to‘xtatib qo‘yilganda Bank mazkur Shartnoma bo‘yicha o‘z majburiyatlarini bajarmaganligi yoki lozim tarzda bajarmaganligi uchun jarima sanksiyalarini to‘lashdan ozod etiladi.
6. Shartnoma bo‘yicha majburiyatlarni O‘zbekiston Respublikasining vakolatli idoralari va tashkilotlari tomonidan tasdiqlangan yengib bo‘lmaydigan kuchlar (fors-major) holatlari yuzaga kelishi oqibatida bajarish (lozim darajada bajarish) imkoni bo‘lmaganda har ikkala Taraf javobgarlikdan ozod etiladi. Bunday holatlarga: harbiy harakatlar, tabiiy va boshqa ofatlar/rasmiy shunday deb tan olingan xodisalar; banklararo elektron to‘lovlar tizimining izdan chiqishi ehtimoli; davlat va ijroiya hokimiyatining Shartnoma shartlarini bajarishni imkonsiz qilib qo‘yadigan hujjatlari kiradi.

1. Mazkur Shartnoma uning 1.4-bandida ko‘rsatilgan paytdan boshlab kuchga kiradi va nomuayyan vaqt davomida amal qiladi.
2. Shartnoma Mijozning arizasiga ko‘ra istalgan paytda bekor qilinishi va Hisobvaraq yopilishi mumkin.
3. Mijozning bevosita Bankka murojaat qilishi yo‘li bilan hisobvaraqni yopishda hisobvaraqdagi pul mablag‘lari qoldig‘i, Bank oldida qarzdorlik bo‘lmasa, Mijozga beriladi yoxud uning ko‘rsatmasiga ko‘ra boshqa hisobvaraqqa mijozdan tegishli yozma ariza olingan kundan keyingi kundan kechiktirmasdan o‘tkaziladi.
   Mijozga Tizimdan foydalangan holda ochilgan Hisobvaraqni Mijozning o‘zi pul mablag‘larini u Tizimda ko‘rsatgan hisobvaraqqa o‘tkazish yo‘li bilan yopadi.
4. Omonatning qaytarilishi Bankning barcha mul-mulki bilan ta'minlanadi.
   O‘zbekiston Respublikasi Prezidentining 2008 yil 28 noyabrdagi PF-4057-sonli «Fuqarolarning O‘zbekiston Respublikasi tijorat banklaridagi omonatlarini himoyalash kafolatlarini ta'minlashga oid qo‘shimcha chora-tadbirlar to‘g‘risida»gi Farmoniga muvofiq omonatlarning miqdorlaridan qat'i nazar, fuqarolarning tijorat banklari depozit hisobvaraqlaridagi omonatlari bo‘yicha to‘la hajmda haq to‘lash kafolatlanadi.
5. Bank hisobvarag‘i shartnomasining bekor qilinishi Mijoz Hisobvarag‘ini yopish uchun asos bo‘ladi.
6. Mazkur Shartnoma qonunchilikda nazarda tutilgan hollarda Bank talabiga ko‘ra bekor qilinishi mumkin.

1. Mijozning boshqa shaxslar bilan hisob-kitoblari bo‘yicha o‘zaro da'volar Bank ishtirokisiz ko‘rib chiqiladi.
2. Mazkur Shartnomani tuzish, bekor qilish, ijro etish munosabati bilan yuzaga keladigan barcha nizolar va kelishmovchiliklarni, xuddi shunday, kelgusida yuzaga kelishi mumkin bo‘lgan har qanday nizolarni Taraflar muzokaralar yo‘li bilan hal qilish majburiyatini oladi. Kelishuvga kelinmagan taqdirda nizo sud tomonidan hal etiladi.
3. Shartnomada shartlashilmagan barcha masalalarda Taraflar qonunchilikka amal qiladilar.
4. Mijoz Tariflar bilan tanishtirildi va rozilik berdi.