Bank kartalari

1. Bank o‘z mijozlariga: «Uzcard» va «Humo» milliy to‘lov tizimlarining  kartalarini hamda «Visa» va «MasterCard» xalqaro to‘lov tizimlarining kartalarini taqdim etadi.
2. Karta hisoblari bank bo‘limlarida ochiladi va xizmat ko‘rsatiladi.
3. Plastik karta bankning barcha ofislarida ariza topshirilgan kundan boshlab 3(uch) bank kuni ichida beriladi.
4. Kartaning egasi To‘lov kartasini olayotganda shaxsini tasdiqlovchi hujjat (pasport yoki ID kartasi)ni taqdim etadi. 
5. Bank «Uzcard» plastik kartasini 3 (uch) yil va «Humo» plastik kartasini 5 (besh) yil muddatga chiqaradi.

Savdo do‘konlarida kartadan qanday foydalaniladi

Agar kassir yoki savdo do‘koni sizda ishonch uyg‘otmasa, kartani to‘lovga taqdim etmang. Savdo-xizmat tarmoqlarida kassir kartangizni POS-terminal orqali bir necha marta o‘tkazishiga yo‘l qo‘ymang. Aks holda kartangizdan takror yechib olishadi. Chekni olganingizdan so‘ng to‘lovingizni chek bilan albatta taqqoslab ko‘ring.  

 

PIN-koddan qanday foydalaniladi

PIN-kodingiz haqidagi ma’umotni hech kimga, hatto qarindoshlaringizga ham bermang. Agar sizdan PIN-kodingiz ma’lumotlari va kartangiz raqamini jo‘natishni talab qilishsa, SMS-xabar, elektron xat yoki telefon qo‘ng‘iroqlariga javob bermang. 

 Bankomatda amaliyotlar qanday bajariladi

Bankomat bilan ishlaganingizda begona odamlarni yaqinlashtirmang. Bankomatlarda bank kartalari bilan amaliyot bajarganda begonalardan yordam so‘ramang va ular maslahatiga quloq solmang. Agar bankomat kartangizni ushlab qolsa, darhol bankka murojaat qiling va vaziyatni tushundiring. Agar bankomat uzoq vaqt kutish rejimida tursa, o‘z-o‘zidan qayta yuklansa, amaliyotingizni to‘xtating (klaviatirada «Inkor qilish» tugmachasini bosib) va kartangiz chiqishini kuting. Amaliyotni boshqa bankomatda bajaring.

 

Kartaga bank rasmiy sayti va ofislarida buyurtma berish mumkin

Kartani banlomatlar orqali va bank ofislarida to‘ldirish mumkin

Kartani yo‘qotgan bo‘sangiz, uni bloklashingiz zarur. Buning uchun 1326 qisqa raqami orqali bank mutaxassislari bilan bog‘laning.