Garant bank «Sifatli emissiya» nominatsiyasida Uzcard mukofoti sovrindori bo‘ldi

2025-yil 19-yanvarda mukofotlarni topshirish marosimi yakunlari bo‘yicha «Sifatli emissiya» nominatsiyasida Garant bank Uzcard mukofotiga sazovor bo‘ldi.

Mukofot to‘lov kartalari emissiyasini tashkil etishning yuqori darajasi, jarayonlarning barqarorligi, to‘lov tizimi standartlariga rioya qilish va mijozlarga xizmat ko‘rsatish sifati uchun beriladi. Ushbu mukofotni olish Garant bankning karta mahsulotlarini rivojlantirish va zamonaviy bank yechimlarini joriy etishga tizimli yondashuvini tasdiqlaydi.

Garant bank mijozlarga xizmat ko‘rsatishning ishonchliligi, qulayligi va sifatiga alohida e’tibor qaratgan holda to‘lov kartalari yo‘nalishini izchil rivojlantirishda davom etmoqda.