Garant bank’da PayPorter pul o‘tkazmalari tizimi ishga tushirildi

Bank xalqaro pul o‘tkazmalari xizmatlari qatorini kengaytirdi — PayPorter tizimi ishga tushirilib, u mijozlar uchun mavjud bo‘lgan 11-pul o‘tkazmalari tizimi bo‘ldi.

Ayni paytda PayPorter orqali pul o‘tkazmalari O‘zbekiston va Turkiya o‘rtasida amalga oshiriladi. Mablag‘larni jo‘natish va qabul qilish bank xizmat ko‘rsatish nuqtalarida, naqd pul ko‘rinishida, hisob raqam ochmasdan amalga oshiriladi.

PayPorter tizimining ishga tushirilishi xalqaro munosabatlar imkoniyatlarini kengaytirish, shuningdek qulay, shaffof va ishonchli moliyaviy xizmatlarni rivojlantirishga qaratilgan.