Agar Garant bank Telegram-boti ishlamasa, nima qilish kerak

Agar Garant bank Telegram-boti noto‘g‘ri ishlasa yoki javob bermasa, quyidagi amallarni bajarish tavsiya etiladi.
Birinchi navbatda internet aloqasini tekshiring: mobil internet yoki Wi-Fi ulanganligiga ishonch hosil qiling. Internet ishlayotganini aniqlash uchun istalgan saytni yoki boshqa ilovani ochib ko‘ring.

Agar internet aloqasi bilan muammo bo‘lmasa, botni qayta ishga tushiring. Buning uchun Garant_bank_BOT bilan bo‘lgan chatni oching, yuqori o‘ng burchakdagi uchta nuqtani bosing va «Chatni o‘chirish» tugmasini tanlang. So‘ng «Botni bloklash» belgisini qo‘yib, chatni o‘chirishni tasdiqlang. 

Shundan so'ng Telegram qidiruv tizimi orqali Garant_bank_BOTni yana topib, chatni qayta oching. Ekran pastki qismidagi paydo bo‘ladigan «Qayta ishga tushirish» tugmasini bosing. Agar tugma ko‘rinmasa, /start buyrug‘ini qo‘lda yozib yuboring.

Qayta ishga tushirilgandan so‘ng bot sizga tilni tanlashni taklif etadi (rus tili yoki o‘zbek tili). Kerakli tilni tanlab, xizmatdan foydalanishni davom ettirishingiz mumkin.