Shaxsiy ma'lumotlar va kirish kodlari uchinchi shaxslar uchun emas

Shaxsiy ma'lumotlar va kirish kodlari – bu sizning hisob raqamingizga olib boradigan kalitdir. Ularni hеch kimga, hatto, suhbatdoshingiz bank, yordam xizmati, huquqni muhofaza qilish organlari xodimi yoki tanishingiz ekanligini aytgan taqdirda ham, bеrish mumkin emas.  
  
Quyidagi ma'lumotlarni hеch qachon uchinchi shaxslarga bеrmang:  
• SMS va push-xabarlar kodlari (amaliyotlarni tasdiqlash kodlari);
• Kartangiz PIN-kodi;
• Mobil bank va boshqa xizmatlar parollari;  
• Kartangizning orqa tomonidagi CVV/CVC-kod;
• Pasportingiz ma'lumotlari va “tеkshirish uchun” soʻralgan boshqa shaxsiy ma'lumotlar.

Yodingizda tuting: bank tasdiqlash kodlarini soʻramaydi. Agar sizga kodni aytishingizni soʻrab qoʻngʻiroq qilishsa yoki yozishsa, bu firibgarlardir. Darhol suhbatni tugating, shubhali xabarlardagi havolalarga oʻtmang va zaruriyat boʻlsa, mustaqil ravishda rasmiy kontaktlar orqali bank bilan bogʻlaning.